Hora: 09-17-2014, 09:36 PM ¡Hola, Invitado! (Iniciar sesiónRegístrate)


 
Calificación:
  • 0 votos - 0 Media
  • 1
  • 2
  • 3
  • 4
  • 5
Vocabulario nahuatl de Chicontepec, Veracruz
07-12-2010, 02:23 AM
Mensaje: #1
Vocabulario nahuatl de Chicontepec, Veracruz

ĀMATL. tlat. ĀMATL/ĀMAMEH. -ĀMAUH. -ĀMAUH./-ĀMAHUAN. ĀMA-. 1. ce tlamantli cuahuitl tlen hueyi; xoxoctic; quipiya miyac iezzo; chipahuac iezzo; huahcapameh tlahcuiloyaya ipan ipetlayo. “Ne amatl poztecqui pampa tlahuel hueyi eliyaya”. 2. tlen motequihuia para ipan tlahcuiloz ce macehualli, huan ica tlatecchihua ce tepahtihquetl. "Victor quicuapoloh iamauh quemman nehnentinemiyaya." tlatlep : PILĀMATZIN.

ĀMAXALLI. tlat. ĀMAXALMEH. -ĀMAXAL. -ĀMAXALHUĀN. ĀMAXAL-. ce canahya campa moxeloa o
monamiqui atlauhtli. “Ipan ne amaxalli tlahuel itztoqueh michimeh”. iachitlahtol: ĀTL, MAXALLI. tlatlep : PILĀMAXALTZIN.

ĀMAXALLI. tlat. ĀMAXALLI/ĀMAXALMEH. -ĀMAXAL. -ĀMAXAL/-ĀMAXALHUAN. ĀMAXAL-. ce canahya
campa moxeloa atlauhtli huan eli ome, o campa monamiqui ome atlauhtli huan eli cetzin. “Ne amaxalli tlahuel oncah michimeh”. iachitlahtol: ĀTL, MAXALLI. tlatlep : PILĀMAXALTZIN

ĀMĒLĀTL. tlat. ĀMĒLĀ-. atl tlen quiza pan ce amelli huan neltzalantic. “Macehualli quionih amelatl”.
iachitlahtol: ĀMĒLLI, ĀTL.

ĀMĒLCO. tlap . ipan amelli. “Niccuiti atl amelco”. iachitlahtol: ĀMĒLLI, CO.

ĀMĒLLI. tlat. ĀMĒLMEH. -ĀMĒL. -ĀMĒLHUĀN. ĀMĒL-. canahya campa meya atl, huan quicoyonihqueh huan quitepanohqueh macehualmeh para ne atlacuizzeh; macehualli quitlacualtia amelli pampa quipiya itecoh. “Ne amelli tlahuel meya”. iachitlahtol: ĀTL, MĒYA. tlatlep : PILĀMĒLTZIN.

ĀMĒYA. tlach2. ĀMĒXQUI. quiza atl tlalihtic. "Pan ne tepetl itzintlan tlahuel ameya". iachitlahtol: ĀTL,
MĒYA.

ĀMIQUI. tlach2. ĀMICQUI. ni. macehualli, tecuani, xihuitl o tlalli quinequi atliz. "Manuel amiqui, yeca
motlaltihualqui". iachitlahtol: ĀTL, MIQUI. ĀMŌLĒHUA. tlach2. ĀMŌLĒUHQUI. ni. macehualli o tecuanti quimoyahua atl. “Eliazar amolehua para michitzquiz”. iachitlahtol: ĀTL, MŌLĒHUA.

ĀNĀLLI. tlat. tlalli tlen eltoc tlan tiquixpanoh atl. iachitlahtol: ÅTL, NÅL.

ĀNĀLLI ĒUHQUETL. tlat. ĀNĀLLI ĒHUANIH. 1. coyotl tlen axcanah tlacatqui Mexco. “John analli euhquetl pampa tlacatqui Estados Unidos”. 2. macehualli tlen mochantihtoc o tlen tlacatqui cehcoyoc. “Analli euhquetl ne anque chaneh pampa huahcauhquiya tlaichtecteuhqui huan quitohtocaqueh”. iachitlahtol: ĀNĀLLI, ĒHUA.

ANIMAH. tlat. ANIMAS. -ANIMAH. -ANIMAHHUAN. ANIMAH-. 1. miccatzin tlen nemi itonal. “Quiza ce
animah ipan ne santoh”. 2. no. macehualli iteixmatcauh tlen mictocca huan nemi itonal. “Nichuica xochitl para noanimah”. huahcatlahtolli : ANIMA (español). tlatlep : ANIMAHTZIN, PILANIMAHTZIN.

ANQUE. tlat. 1. Motequihuia ica AX-, huan quihtoznequi AXACAH. “Axanque hualqui mahuiltico pampa
tlahuel zoquitl”. 2. Motequihuia ihuayya ceyoc tlahtolli: ANQUE CHANEH, ANQUE TETAH, ANQUEHUELI.

ANQUE CHĀNEH. tlat. ANQUE CHĀNEHQUEH. macehualli tlen iaxca ce calli. “Anque chaneh quinmacac
cafeh tlen paxaloanih”. iachitlahtol: ANQUE, CHANTLI, -EH

ANQUE TETAH. tlat. ANQUE TETAHMEH. tlacatl tlen tlanahuatia pan ce calli. “Anque tetah quimaca
permiso iconeuh Eduardo para yaz tlaixpiyati”. iachitlahtol: ANQUE, TE-, TAHTLI.

ĀPACHTLI. tlat. ĀPACHMEH. -ĀPACH. -ĀPACH/-ĀPACHHUĀN. ĀPACH-. ce tlamantli cuahuitl eli
cuauhtitlan huan millah, moquetza zan xitlahuac huan tomactic, nopa ixihuiyo pitzactzitzin huan
motequihuia para quichihuazzeh calli, tlachpohuaztli huan tlen ica tlaahapehuia. “Manuel quitequihuia
miyac apachtli pampa quicualtlalia ichan”. iachitlahtol: ĀTL, PACHTLI. tlatlep : PILĀPACHTZIN.

ĀPAN. tlap . campa oncah atl (atlauhco, amelco, ayahualli, hueyi atl). "Eliazar inantzin yahqui apan
tlachicuenito". iachitlahtol: ĀTL, PAN.

ĀPANI. tlap . ipan tlalli huahcapan tlen eltoc campa tlami atl. “Atlapani huetztoc ce cuauhtomactli tlen
quicauhteuhqui atl quemman tlatemic”. iachitlahtol: ĀTL, -PANI.

ĀPAPATLATIC. tlat. ĀPAPATLATIQUEH. tlamantli iixnezca tlen tlachiya quehuac ce xihuitl pero tlen mas celic. “Ne toctli apapatlatic pampa celic”. iachitlahtol: ĀTL, ?

Ipan noyolo ipan noilhui
Visita su sitio web Encuentra todos sus mensajes
Cita este mensaje en tu respuesta



Salto de foro:


Usuario(s) navegando en este tema: 1 invitado(s)

Contáctanos | azcatl tezozomoc.com | Volver arriba | Volver al contenido | Archivo (Modo simple) | Sindicación RSS